Մրցակցություն

Մրցակցությունը պայքար է հաճախորդի համար, ոչ թե կազմակերպությունների միջև: Սա շուկայի նորմալ իրավիճակ է, որը խթանում է զարգացումը:

Մրցակցային պրոֆիլը հնարավորություն է տալիս համեմատվելու մրցակից բիզնեսների հետ և տեսնելու համեմատության միասնական արդյունքները, կատարելու համապատասխան դատողություններ: Արտադրողները շուկային առաջարկում են բազմաթիվ ապրանքներ՝ հիմնվելով սպառողների պահանջարկի վրա: Բոլոր արտադրողները ձգտում են, ինչքան հնարավոր է, մեծ թվով սպառողներ ներգրավել իրենց բիզնեսի մեջ՝ նրանց դարձնելով իրենց հաճախորդները: Այդ նպատակին հասնելու համար կազմակերպությունները կիրառում են տարբեր մեթոդներ և մշակում են բազմաթիվ ռազմավարական մոտեցումներ, որոնք ստեղծում են մրցակցություն: Յուրաքանչյուր կազմակերպության կառավարիչ պետք է կարողանա պատասխանել հետևյալ հարցերին.
’ Ովքե՞ր են կազմակերպության հիմնական մրցակիցները:
’ Ինչպիսի՞ ռազմավարություն են կիրառում:
’ Որո՞նք են մրցակիցների ուժեղ և թույլ կողմերը:
’ Ինչպիսի՞ դիրք պետք է գրավել մրցակիցների նկատմամբ:

Մրցակիցներ սահմանելիս պետք է ուշադրություն դարձնել ոչ միայն ուղղակի, այլև անուղղակի մրցակիցների վրա, որոնք առաջարկում են նմանատիպ կամ փոխարինող ապրանքներ: Օրինակ, եթե բնական հյութերը հանդիսանում են ուղղակի մրցակիցներ, ապա անուղղակի մրցակիցներ են գազավորված ըմպելիքներ արտադրողները, քանի որ սպառողն իր ծարավը հագեցնելու համար կարող է գնել նաև այդ խմիչքները: